KUMUÑON D'ÁFRIKA

Kumuñon D’Áfrika e frutu di un seleson di puemas ki, désdi 1971, N ben ta produzi, non sistematikamenti, mas kauzal y kazualmenti.
Kelóki N fla lauzalmenti, e ividenti ki N kre fla ma, pa kada un d’es, N tenba, na altura di si razistu skritu, un motivu.
Kazualmenti, purki ses razistu foi kuazi pur asidenti. Na verdadi, si, na altura ki ses izizenti inspirason ataka-m, N ka staba minidu di papél y kusa’l skrebe (len di un sértu rakojimentu intirior), niñun d’es ka ta sérba razistabu (pelu menus di manera sima es fika).
Non sistematikamenti purki, na produson di kada un d’es, ka staba prezenti ideia di fase un kuletania y mutu ménus es kuletania, mas simplismenti motivu y inspirason di kel mumentu, kunpañadu di ditirminason y posibilidadi di si razistu.
Sima nómi d’es kuletania ta suziri, nu sta dianti di un konzuntu di puemas ralasionadu ku África, en zeral, y Kauverdi, en partikular, na oju di sentimentu y lus di pensamentu di un afrikanu kauberdianu.
Distribuson d’es 50 puemas (ku data y lokal di ses razistu na Indisi) na kuatu kapitu d’es libru (Konstatason, Inketason, Rafleson, Intirvenson) pode parse pa un ladu, disnisisari y, pa otu ladu, un poku arbitrari, len di poku gostu stétiku.
N pode invokaba alguns razon ki leba-m skoje es prusésu. Mas N ta prifiri ka fla nada, fin di ña ledoris fika inkondisionadu na ses liberdadi krítiku, y mi, tanbe, livri na ña arbitraridadi konsienti, mas o ménus motivadu pa sértus kritéri.
Na un últimu apontamentu, un votu: si stétika di Kumuñon D’Áfrika parse di fraku kor, gostu y ceru, k’el ten pelu ménus kau-pega di sirbíntia, o k’el sér un pitada’l tabaku na naris di konsiénsa, o inda un kujer di onestidadi na sikra di pensamentu, na bóka di sentimentu.
T.V. da Silva

T.V. DA SILVA (TOMÉ VARELA DA SILVA) nase na Uzórgu, Konseju di Santa Cruz, ila di Santiagu – Kauberdi -, dia 19 di Dizénbru di 1950. Ku dés anu, e’ba konse A,B,C.
Kapatas agro-pekuari, na 69, na Skóola di Aprendizadu Agro-Pekuari “Alves Roçadas” ki ta izistiba na Son Zorzi di Uzórgu, e’ lisensia na Filozofía, pa Fakuldadi di Filozofía di Braga, na 81, ku três anu di juguta bida basu com, na “Minas da Borralha, SARL”.
Désdi fins de 81 k’e funsionari di Ministéri di Adukason y Kultura (Kauberdi), undi e’sta nkuadradu komu tékiniku supirior na Direson Zeral di Kultura, séndu rasponsavi pa Dipartamentu di Tradisons Oral.
E’tem alguns kolaborason publikadu na Contacto (“órgão da Associação de Estudantes a Faculdade de Filosofia de Braga”), na Gil Vicente – revista de cultura e actividades (Guimarães), na “Finka-pé” (pugrama radiofóniku di Direson Zeral di Kultura – Praia), na Folhas Verdes (Praia), na Ponto & Vírgula – revista de intercâmbio cultural (S. Vicente) y na Voz di Povo (Praia).

Otor: T.V. da Silva
Kapa: T.V. da Silva y Zé Luis
Prefas: Osvaldo Osório

Idison: Instituto Caboverdeano do Livro
Kuleson: Poesia
Anu di edison: 1986